ស្នងការនគរបាលខេត្តកំពត បដិសេធករណីដោះលែងរថយន្តគ្រោះថ្នាក់ចរាចរណ៍ មិនទាន់ដោះស្រាយ
11-February-2019 | ដោយ ពលមនសិការ
កំពត៖ ក្នុងនាមស្នងការ នៃស្នងការដ្ឋាននគរបាលខេត្តកំពត ខ្ញុំសូមធ្វើការបំភ្លឺដល់បងប្អូនសាធារណជន និងក្រុមគ្រួសាររបស់ប្អូនជនរងគ្រោះមេត្តាជ្រាបថា កាលពីថ្ងៃទី០៥ ខែកុម្ភៈ ឆ្នាំ២០១៩ វេលាម៉ោង១៤និង០០នាទី មានគ្រោះថ្នាក់ចរាចរណ៍រវាងម៉ូតូ និងរថយន្តលើដងផ្លូវជាតិលេខ៣ (កំពត-វាលរេញ) ស្របទិសគ្នា នៅក្នុងភូមិព្រែកអំពិល ឃុំកោះតូច ស្រុកទឹកឈូ ខេត្តកំពត។
បន្ទាប់ពីកើតហេតុសមត្ថកិច្ចបានចុះពិនិត្យ វាស់វែង និងសាកសួរព័ត៌មាននៅកន្លែងកើតហេតុ ព្រមទាំងយកវត្ថុតាងទាំងពីរមករក្សាទុកនៅប៉ុស្តិ៍នគរបាលរដ្ឋបាលកោះតូច។
ក្រោយពីបានពិនិត្យវាស់វែង និងប្រមូលបានព័ត៌មានគ្រប់ជ្រុងជ្រោយ សមត្ថកិច្ចសន្និដ្ឋានបានថា ករណីគ្រោះថ្នាក់ចរាចរណ៍នេះ គឺបណ្តាលមកពីម៉ូតូបើកបរក្នុងល្បឿនលឿន ហើយជ្រុលទៅបុករថយន្តដែលបានបត់ចូលទៅផ្លូវរមណីយដ្ឋានណាតាយ៉ាទាំងកម្រោល នៅជាយផ្លូវផ្ទុយទិសគ្នា ប៉ះត្រង់ទ្វារមុខប៉ែកខាងឆ្វេងរថយន្ត បណ្តាលឱ្យអ្នកបើកបរម៉ូតូរបួសធ្ងន់។
ផ្អែកតាមកំណត់ហេតុវាស់វែង ករណីនេះគឺបង្កឡើងដោយអ្នកបើកម៉ូតូបើកបរខ្វះការប្រយ័ត្នក្នុងល្បឿនលឿន។ ដោយឡែកករណីដែលសមត្ថកិច្ចអនុញ្ញាតឱ្យភាគីរថយន្តត្រឡប់ទៅវិញ គឺដោយសារ រថយន្តមិនមានកំហុសក្នុងការបើកបរ និងមានអ្នកធានាក្នុងការទទួលខុសត្រូវក្នុងការចូលខ្លួនមកដោះស្រាយតាមផ្លូវច្បាប់ ហើយក្នុងករណីនេះដែរ គឺមិនបណ្តាលឱ្យបាត់បង់អាយុជីវិតអ្នកបើកម៉ូតូនោះផងដែរ ហេតុដូច្នេះ សមត្ថកិច្ចបានអនុញ្ញាតឱ្យភាគីខាងរថយន្ត យករថយន្តទៅជួសជុលប្រើប្រាស់បណ្តោះអាសន្នសិន ទម្រាំហៅចូលដោះស្រាយនៅពេលក្រោយ ៕
ចំនួនអ្នកទស្សនា
- ថ្ងៃនេះ3401
- ម្សិលមិញ11441
- សប្តាហ៍នេះ33231
- ខែនេះ148381
- ឆ្នាំនេះ148381
- សរុប20590837